მე იაგო ხვიჩია ვარ, პოლიტიკოსი.

წინა ცხოვრებაში იურისტი ვიყავი, მაგრამ საბჭოთა მართლმსაჯულების პირობებში

იურისტობა აუტანელია, რამაც პოლიტიკაში წასვლა გადამაწყვეტინა.

მოკლედ გეტყვით რა მინდა, რისთვის ვიბრძვი და რის მისაღწევად ვითხოვ თქვენს

მხარდაჭერას.

ჩემი ოჯახი კომუნისტური რეპრესიის მსხვერლია. კომუნისტებმა ძალიან გააწამეს

ბაბუაჩემი და მისი ოჯახი.

მეც რაც თავი მახსოვს ვერ ვიტან საბჭოთა კავშირს, ვერც მის მართლმსაჯულებისა და

მმართველობის სისტემას.

საბჭოთა მმართველობის მოკლე შინაარსი ჩემთვის ასეთია - საკუთრება

ჩამორთმეული, მორჩილი ხალხი უნდა აღვზარდოთ და სულ შიშში ვაცხოვროთ, რათა

მათ თავი უსუსურად და დაუცველად იგრძნონ სახელმწიფო სისტემის წინაშე.

ხალხს უნდა სჯეროდეს, რომ წინააღმდეგობას აზრი არ აქვს, თუ ,,ზემოთ“ შენი

განადგურება უნდათ მოგების შანსი არ გაქვს.

საბჭოთა კავშირი ჯერ კიდევ ჩემ ბავშვობაში დაინგრა, თუმცა ის ჯერაც ჩვენს ტვინებშია

და ჩვენს პოლიტიკურ გემოვნებას განსაზღვრავს.

ამიტომ, ჩვენ დღეს ისევ ის საბჭოთა მმართველობის სისტემა გვაქვს, რომლის მიზანიც

კონფლიქტების აღმოფხვრა და მოგვარება კი არა, არამედ - ხალხის დაშინებაა.

ჩვენი სასამართლოც საბჭოთაა, სიმართლე არ აინტერესებს, ნაცვლად იმისა,

ხელისუფლება აკონტროლოს, მათგან ელოდება მითითებებს.

პროკურატურაც ასეთივე საბჭოთაა, მისთვის მნიშველობა არ აქვს რამე დააშავე თუ არა,

,,ზემოდან“ თუ ეტყვიან ნებისმიერს გაასამართლებს, ნებისმიერ რამეზე.

ჩვენს პოლიციას ადამიანთან დამოკიდებულებაშიც ეტყობა, რომ საბჭოთაა, ნებისმიერ

მოქალაქეს ისე ექცევა, როგორც შესაძლო დამნაშავეს, უზრო „რეიდს“ ჩაგიტარებს და

ხელებს გიფათურებს, როცა უნდა და სადაც უნდა.

„რეიდი“ საბაზისო პაკეტში შედის, ისე მოსაკლავადაც გაგიმეტებს თუ შენთვის დგახარ,

მაგრამ უფროსმა უთხრა, ნუ დგას, არ მომწონს როგორც დგასო.

ჩვენ საბჭოთა ბიუროკრატია გვაქვს, რომელიც არანაირ დოვლათს არ ქმნის,

მოქალაქეებისგან იღებს ხელფასს და პრემიას იმაში, რომ იგივე მოქალაქეები აწამოს

უზრო რეგულირებებითა და ქაღალდომანიით.

მე ამ სისტემის მეშინია და მისი დანგრევა მინდა, ყოველდღე რაღაცას ვაკეთებ

ამისთვის და გამუდმებით ვეძებ ამ საქმეში თანამოაზრეებს.

თუ თქვენც ანალოგიურად ხედავთ რეალობას, შეგვიძლია ერთად გავაგრძელოთ

ბრძოლა.

ჩემი აზრით, ეს ვალდებულებაც კია იმ ხალხისთვის, ვისაც ამ ბოროტების შინაარსი

ესმის.

ეს პლატფორმა ყველას გვაძლევს საშუალებას ვცადოთ.

და თუ ერთად ვცდით ბევრად მეტს შევძლებთ.

#სისტემაუნდადაინგრეს