სიახლეები

214 Views
პოლიტიკა

ჯაფარიძე: ნულოვანი ბარიერი არის სწორი და ერთადერთი სამართლიანი სისტემა

დღეს, "ქართული ოცნების" ოფისში გამართულ ბრიფინგზე, ბიძინა ივანიშვილმა განაცხადა, რომ 2020 წლის საპარლამენტო არჩევნები ჩატარდება პროპორციული სისტემით, ნულოვანი საარჩევნო ბარიერის პირობებში.

ამ თემას, რომელიც მიმდინარე დღეების განმავლობაში პარლამენტთან მდგომი მომიტინგეების ერთ-ერთი მთავარი მოთხოვნა იყო, "გირჩის" ლიდერი ზურაბ ჯაფარიძე სოციალური ქსელით ეხმიანება:

ნულოვანი ბარიერი, რაც რეალობაში 0,67%-ს ნიშნავს (ბუნებრივი ბარიერია 150 კაციანი პარლამენტისთვის) არის სწორი და ერთადერთი სამართლიანი სისტემა

ის რომ სააკაშვილი ამის წინააღმდეგია ნიშნავს მხოლოდ შემდეგს:

1. მას, როგორც მსხვილი პარტიის ლიდერს, აწყობს პოლიტიკურ ბაზარზე ახალი, პატარა მოთამაშეებისთვის რეგულატორული ბარიერების არსებობა, რადგან ასეთ შემთხვევაში ის რჩება ბიძინასთან პირისპირ და ინარჩუნებს ბაზაზრზე დომინანტურ პოზიციას (ბოლო წლები რაც ხდება)

2. ეშინია რუსთაველზე მიმდინარე აქციის მუხტი არ დავარდეს, რაც ხელს შეუშლის რევოლუციური სცენარის განვითარებას

ნულოვანი ბარიერის საჯაროდ დაფიქსირებული ორივე საწინააღმდეგო არგუმენტი არის ბოდვა:

1. პრორუსული ძალები შევლენ - და რატომ არ უნდა შევიდნენ თუ აიღებენ 0.67%-ს? დემოკრატიის აღარ გჯერათ? თან გჯეროდეს რომ ოცნება პრორუსულია და მასზე ბურჯანაძის მიმატების გეშინოდეს, ცოტა სასაცილოა

2. ბიძინა შექმნის პატარ-პატარა პარტიებს და შეიყვანს პარლამენტში - ალბათობა დაბალია, ყველა დაიწვება. ასეც რომ არ იყოს, ეგეც დემოკრატიის ნაწილია.

აჯობეთ იმ პატარ-პარტიებს და პრორუსებსაც თუ ტრაკი გაქვთ. თუ ტრაკი არ გაქვთ, ბარიერი ვერ გიშველით. ჩვენ არ გვეშინია არც ერთის.

ახლა საჭიროა ამ გამარჯვების ბოლომდე გაფორმება და ფოკუსირება დანარჩენ მოთხოვნებზე.

ნებისმიერი ვინც ამის წინააღმდეგ წავა ან სიტუაციას არევს, ტრაკია.

წერს პირადი "ფეისბუქის" გვერდზე ზურა ჯაფარიძე.

შეგახსენებთ, რომ აქციის მონაწილეების მოთხოვნა, გიორგი გახარიას გადადგომა და დაშავებულების გამო პასუხისმგებლობის აღება, ასევე დაკავებულების დაუყოვნებლივ გამოშვება და პროპორციული არჩევნების დანიშვნა იყო.

კომენტარები