21 ნოემბრიდან დაუფასოებელი სახით თამბაქოს გაყიდვა იკრძალება
21 ნოემბრიდან დაუფასოებელი სახით თამბაქოს ან თამბაქოს ნაწარმის გაყიდვა იკრძალება.
შემოსავლების სამსახურის ცნობით, თამბაქოს ნაწარმის რეალიზაცია დასაშვებია, თუ იგი დაფასოებულია ნეტო-მასით 50 ან 100-გრამიან პირველად შეფუთვებში.
21 ნოემბრიდან ასევე იზრდება, გასახვევი თამბაქოს ბეგარაც 35-იდან 60 ლარამდე.
ასევე იკრძალება აქციზური მარკირების გარეშე ელექტრონული სიგარეტის მოხმარებისათვის განკუთვნილი სითხეების გაყიდვაც.
დაფასოების გარეშე თამბაქოს რეალიზება ისჯება ადმინისტრაციული წესით, პირველ ჯერზე, 2000 ლარით, ხოლო განმეორებისას - 4000 ლარით.
ავტორი: ლიზი კუბლაშვილი