სიახლეები

კოჟორიძე: ხაზარაძე-ჯაფარიძის საქმეში ჩართულ უცხოელ ექსპერტებს პროკურატურა უხდის ფულს

მამუკა ხაზარაძის დაარსებული ახალი საზოგადოებრივი მოძრაობა "ლელოს" წევრი, კახა კოჟორიძე, ხაზარაძე-ჯაფარიძე-წერეთლის საქმესთან დაკავშირებით მიმდინარე პროცესებს სოციალურ ქსელში ეხმიანება.

როგორც კოჟორიძე წერს, საქმის გამოძიებაში ჩართული ,,ობიექტური ექსპერტები“ თურმე პროკურატურის უცხოელი მრჩეველთა საბჭოს წევრები არიან, რომელსაც ფულს პროკურატურა უხდის. 

" ხაზარაძე-ჯაფარიძე-წერეთლის საქმეზე ერთ-ერთი ,,უტყუარი მტკიცებულება“ არის სპეციალისტების დასკვნა. მეტი ,,უტყუარობისთვის“ ეს დასკვნა უცხოელებმა დაწერეს. დღევანდელ პროცესზე კი გამოვლინდა შემდეგი:

1. საქმის მასალები ინგლისურად ნათარგმნი არ არის, ხოლო ექსპერტებმა არ იციან ქართული.
2. ალბათ გაგიჩნდათ კითხვა: რა მასალების საფუძველზე დაიწერა ეს ,,უტყუარი“ დასკვნა? პასუხი კაციშვილმა არ იცის.
3. დასკვნა დაწერილია საქმის სამართლებრივ საკითხებზე. კანონი კი არ ითვალისწინებს მსგავსი დასკვნის სამართლებრივ საკითხებზე დაწერის შესაძლებლობას.
4. ექსპერტები ამავე დასკვნაში თავად ამბობენ, ჩვენ საქართველოს სამართლებრივ ნორმებს კარგად არ ვიცნობთო. თუმცა, დასკვნა სწორედ სამართლებრივ საკითხებზე უწერიათ. თან, რა თქმა უნდა, ,,რკინის დედუქციით" მაინც იმაზე შეჯერდნენ, რომ ბრალდებას მყარი საფუძველი გააჩნიაო (?!);
5. და ბოლოს, ეს პატივცემული ,,ობიექტური ექსპერტები“ თურმე პროკურატურის უცხოელი მრჩეველთა საბჭოს წევრები არიან, რომელსაც ფულს პროკურატურა უხდის.

ამ პროკურატურას კი ფულს ჩვენ ვუხდით!!!! ასეთი იყო ამ ტრაგი-კომედიის დღევანდელი სერია. გაგრძელება იქნება...

წერს კოჟორიძე სოციალურ ქსელში.

შეგახსენებთ, თბილისის საქალაქო სასამართლოში მამუკა ხაზარაძისა და ბადრი ჯაფარიძის საქმის არსებითი განხილვის პირველი სხდომა გუშინ გაიმართა. თიბისი ბანკის დამფუძნებლების ადვოკატის, ზვიად კორძაძის განცხადებით, სხდომაზე პროკურატურისა და დაცვის მხარის მიერ მოპოვებული მტკიცებულებების სასამართლოზე დაშვების საკითხზე იმსჯელეს.

კომენტარები