სიახლეები

261 Views
პოლიტიკა

ღარიბაშვილი გირჩზე: ამ სექტის საქმიანობა პირდაპირ საფრთხეს უქმნის ჩვენი ჯარის ძლიერებას

თავდაცვის მინისტრობის კანდიდატმა, ირაკლი ღარიბაშვილმა სავალდებულო სამხედრო სამსახურის რეფორმის დასრულება, ერთ-ერთ პირველ და მთავარ საზრუნავად დაასახელა. 

ადამიანის უფლებათა დაცვისა და სამოქალაქო ინტეგრაციის, იურიდიულ საკითხთა, თავდაცვისა და უშიშროების და საპროცედურო საკითხთა და წესების კომიტეტების  გაერთიანებულ სხდომაზე გამოსვლისას ღარიბაშვილმა სავალდებულო სამხედრო გაწვევის სფეროში ბოლო წლებში განვითარებულ მოვლენებს კატასტროფა და ტრაგედია, "გირჩს" კი სექტა უწოდა. 

„მე ვგულისხმობ პოლიტიკური მოძრაობის და ჩვენი ოპონენტების, ნაცმოძრაობის და მათთან აფილირებული წევრების, ე.წ. გირჩის ინიციატივას, რომლის ფარგლებშიც ხდება პირდაპირი დეგრადაცია, მცდელობა, ჩვენი საზოგადოების, ჩვენი მომავალი თაობის, რაც არის ყოვლად დაუშვებელი. არ მოვერიდები და ყოველგვარი პოლიტკორექტულობის გარეშე მინდა აღვნიშნო. რომ ამ ორგანიზაციის, თუ სექტის საქმიანობა პირდაპირ საფრთხეს უქმნის ჩვენი სახელმწიფოს და ჩვენი ჯარის ძლიერებას. ეს არის პირდაპირ ძირგამომთხრელი საქმიანობა ჩვენი სახელმწიფოსი“ - განაცხადა ირაკლი ღარიბაშვილმა.

კომენტარები