მოგიყვებით ჩემს შესახებ
ალბათ ისევე როგორც ყველას, ბავშობაში პოლიტიკა საერთოდ არ მაინტერესებდა, კითხვები მქონდა ზოგადად სამყაროს მისამართით, მაინტერესებდა როგორ იყო მოწყობილი..
10 წლისას ბრედბერის წიგნი ჩამივარდა ხელში რომელმაც გადაწყვიტა ჩემი მომავალი სწავლის და მუშაობის მიმართულებაც, დავიწყე სწავლა და ერთადერთი საგანი რომელიც მაინტერესებდა იყო ფიზიკა, სკოლის შემდეგ ა.შ.შ.-ში ჩავაბარე უნივერსიტეტში რომელიც პირველივე წლის ბოლოს მივატოვე, გავაგრძელე თბილისში სწავლა თუმცა აქაც ძალიან არ მომწონდა სწავლის სისტემა, გადატვირთული იყო უამრავი სავალდებულო საგნით რომელიც არ მაინტერესებდა და სულ გამოცდების და ქულების წნეხში მიწევდა ცხოვრება, სამაგისტროს შემდეგ გადავწყვიტე არც აშშ-ში და არც საქართველოში მე ამ სისტემის ნაწილი აღარ ვიქნებოდი.
სწავლა ინგლისში დავასრულე მეტეოროლოგიის განხრით და გავხდი საავიაციო სინოპტიკოსი
პოლიტიკის ინტერესი გამოიწვია ჩემში თავისუფლების აკრძალვებთან პროტესტმა. ერთხელ შევავსე პოლიტიკური კომპასის ტესტი და აღმოვაჩინე რომ თურმე ლიბერტარიანელი მქვია, ამის შემდეგ გირჩის აღმოჩენა რთული აღარ ყოფილა.
თავისუფლება მნიშვნელოვანია, დედამიწა გვაქვს ასათვისებელი, ოკეანეები, პოლუსები, ჩვენ კი გლობუსზე დახაზული რაღაც საზღვრებისთვის გვიწევს ბრძოლა ყოველდღე და ერთმანეთში ომი, განვითარების შემდეგ საფეხურზე მინდა გადავიდეთ სადაც უფრო ფართო ინტერესები გაიღვიძებს ადამიანებში და ნამცეცების გამო აღარ დავგლეჯთ ერთმანეთს