გამარჯობა, მე დავით გაგუა ვარ, 28 წლის, გირჩის პოლიტიკოსი, 90-იანების გაჭირვებულ საქართველოში, გაჭირვებულ ოჯახში დავიბადე, ჩვეულებრივ, საბჭოთა მემკვიდრე სკოლაში დავდიოდი, რომელიც არასდროს მომწონდა, არაფერი ხდებოდა იქ ჩემთვის საინტერესო, "შატალოების" რაოდენობით ერთერთი მოწინავე ვიყავი ალბათ სკოლაში :) ასევე ჩვეულებრივ, ტიპიურ 90-იანების გარემოში ვიზრდებოდი, სადაც გაჭირვება, სიბნელე და ბევრი უსამართლობა იყო, სკოლის დამთავრების შემდეგ უნივერსიტეტში ჩაბარება მინდოდა, ვფიქრობდი, იქ მაინც ვნახავდი და ვისწავლიდი რამე საინტერესოს, ისეთს როგორსაც სკოლაში ვერ ვპოულობდი, მაგრამ 90-იანების არ იყოს, 2000-იანებშიც, ისევ და ისევ გაჭირვების გამო ვერ ჩავაბარე, სკოლის დამთავრებამდე ერთი თვით ადრე დავიწყე მუშაობა ბარში, სადაც ჯამში მრავალი წელი ვიმუშავე სხვა და სხვა პოზიციაზე, უნივერსიტეტში არ ჩაბარების გამო რაღაც პერიოდი გული მწყდებოდა, მაგრამ ახლა კმაყოფილი ვარ რომ დამატებით 4 წელი და სულ მცირე 10 000 ლარი რაღაც შენობაში სიარულში არ დამიხარჯავს, მით უფრო რომ დიდი ხანი არ ვიცოდი კონკრეტულად რისი სწავლა და რა პროფესიის ათვისება მინდოდა, არც ახლა ვიცი, ერთი რაც დანამდვილებით ვიცი არის ის რომ არ მინდა ჩემი შვილებიც იმ გარემოში და გაჭირვებაში გაიზარდონ როგორშიც მე, ამისთვის საუკეთესო გზა კი სულ მცირე პოლიტიკური აქტიურობაა, რომელიც ჩემთვის პირადად ადამიანებთან საუბარსა და სწორის და არასწორის გარჩევას ნიშნავს, პოლიტიკოსი ვარ თქო, კი ავღნიშნე უკვე, მაგრამ ამ ეტაპზე მე თვითონ არ ვარ კმაყოფილი ჩემი პოლიტიკური აქტიურობით, უმეტესად სოც. ქსელებში მოქმედებით ვარ დაკავებული, მეტროში ვმუშაობ მატარებლის მემანქანედ, რის გამოც ბევრი თავისუფალი დრო არ მაქვს და ვერ ვერთვები პოლიტიკურ ცხოვრებაში იმ დოზით რა დოზითაც ვისურვებდი რომ ჩავრთულიყავი, ახლა პირველი მიზანი მაქვს რომ ის ფინანსური პრობლემები რომლის გამოც ამ სამსახურზე ვარ ჩამოკიდებული რაც შეიძლება მალე მოვაგვარო და რაც შეიძლება მალე დავიწყო იმის კეთება რაც ყვეველაზე მეტად მომწონს (სუფთა პოლიტიკის) მადლობა ყურადღებისთვის.