ზურაბ ჯაფარიძის შეხვედრები აჭარაში გრძელდება

ზურაბ გირჩი ჯაფარიძე საარჩევნო კამპანიის ფარგლებში, აჭარის რეგიონში მოსახლეობასთან შეხვედრებს აგრძელებს.

ბათუმის შეხვედრა, 25 ივნისს, ერას მოედანზე, გირჩის მხარდამჭერებსა და სხვა დაინტერესებულ ადამიანებთან ერთად,  კითხვა-პასუხის რეჟიმში გაიმართა. 

"გირჩის" ლიდერმა იმ მთავარ თემებზე ისაუბრა, რომელიც პარტიის სამოქმედო გეგმა იქნება საარჩევნო კამპანიის ფარგლებში. ეს საკითხებია - მართლმსაჯულების რეფორმა, პრივატიზაცია (რესტიტუციის პროექტი) და განათლება.

დღეს, 18:00 საათზე, ჯაფარიძე შეხვედრას ქობულეთში გამართავს, მანამდე კი, 17 :00 საათზე, გირჩი საკონსტიტუციო სასამართლოში შეიტანს სარჩელს, დეპუტატთა შარდის სიწმინდის წინააღმდეგ.

საუბარია კანონმდებლობით დადგენილ წესზე, რომლის თანახმად, პარლამენტის წევრობის მსურველები ვალდებულნი არიან ცესკო-ში რეგისტრაციისთვის წარადგინონ ცნობა ნარკოლოგიური შემოწმების შესახებ.

ზურაბ ჯაფარიძის შეხვედრების მიმდინარე განრიგი ასეთია: 

  • 26 ივნისი, 18:00- ქობულეთი, 9 მაისის სკვერი, მეგობრობის ქუჩის მიმდებარედ
  • 28 ივნისი, 11:00- ქედა, წმ. ნიკოლოზის ეკლესიის მიმდებარედ
  • 28 ივნისი, 15:00- შუახევი, შუახევის პოლიციასთან, რუსთაველის ქუჩა
  • 28 ივნისი, 18:00- ხულო, ტბელ აბუსერიძის ქუჩა #1, მერიის მიმდებარედ

ფოთი 

  • 29 ივნისი, 18:00- ფოთი, ცენტრალური პარკი, რუსთაველის რკალი

#გირჩი 
#მეტითავისუფლება 
#გირჩიპარლამენტში

ავტორი: ანა ჩიქოვანი



კომენტარები