სიახლეები

126 Views
პოლიტიკა

მოხარულები ვიქნებით თავისუფალი ვაჭრობის შეთანხმებით საქართველოსთან - კონგრესმენი კიზინგერი

ჩვენ მოხარულები ვიქნებით ვიხილოთ თავისუფალი ვაჭრობის შეთანხმება საქართველოსთან. არის ეს მომგებიანი შეერთებული შტატებისთვის ? დიახ და ის ასევე ძლიერ სიგნალს უგზავნის რუსეთის ფედერაციას და ეს ძალიან კარგია საქართველოსთვის. სავაჭრო გზა, რომელიც საქართველოზე გადის უაღრესად მნიშვნელოვანია, რათა წაერთვას რუსეთსა და ირანს გავლენის შესაძლებლობები

განაცხადა აშშ-ის კონგრესმენმა ადამ კიზინგერმა. იგი საქართველოში არსებულ პოლიტიკურ რეალობაზეც საუბრობს, ამბობს, რომ ადამიანებისთვის დემონსტრაციის უფლება ძალიან მნიშვნელოვანია, ასევე იმედს გამოთქვამს, რომ დემონსტრაციები დარჩება არა ძალისმიერი და გააგზავნის თავის მესიჯს.

"ღია საუბარი მქონდა საქართველო-ამერიკის ალიანსს და ამ ალიანსის მნიშვნელობაზე, ასევე საქართველოს მნიშვნელობაზე ისეთ საკითხებში, როგორიც არის ვაჭრობა და თავისუფალი მომავალი. ვისაუბრეთ საქართველოში არსებულ ამჟამინდელ სიტუაციაზე. ჩემი შეხედულებაა, რომ პროცესში ყველაა ჩართული. ეს ისეთი რამ არის, რაც დაპირებულ იქნა. აუცილებელია, რომ ამასთან გამკლავება მოხდეს პოლიტიკური სისტემის ფარგლებში. რა თქმა უნდა ადამიანებს დემონსტრაციის უფლება აქვთ, რასაც ჩვენ ხშირად ვაკეთებთ აქ. იმედი მაქვს დემონსტრაციები დარჩება არა ძალისმიერი და გააგზავნის თავის მესიჯს. საბოლოოდ იმედია ორივე მხარე გაერთიანდება, ალბათ ყველა მხარე რადგან მრავალი განსხვავებული მხარეა ჩართული და მონახავენ გამოსავალს, რომელმაც შესაძლოა არ დააკმაყოფილოს ყველა მხარე, თუმცა იყოს დამაკმაყოფილებელი."

- განაცხადა კიზინგერმა.

ავტორი: ანა ჩიქოვანი

კომენტარები