“ბიბლიური თავისუფლების” მღვდელმსახურთან Live გასაუბრებას სახელმწიფო ინსპექტორი შეისწავლის. ვიდეო, რომელიც რომელიც თამაზ მეჭიაურისა და კომისიის სხვა წევრებს წვევამდელთან გასაუბრებას ასახავს, თიანეთის მერიის "ფეისბუქ"-გვერდზე გამოქვეყნდა. 

სახელმწიფო ინსპექტორის სამსახურში აცხადებენ, რომ დაირღვა თუ არა გასაუბრების პირდაპირ ეთერში გაშვებით პერსონალური მონაცემების შესახებ კანონი, შესწავლის შედეგად დადგინდება.

ამ ფაქტის შესწავლის თხოვნით სახელმწიფო ინსპექტორის სამსახურს ერთ-ერთმა "ფეისბუქ" მომხმარებელმა, გიორგი თოფურიამ მიმართა. 

„დამაინტერესა ამ თემამ. ფოსტაში ვნახე, მღვდელმსახური გამხდარა ვიღაც ჯარისგან გასათავისუფლებლად და ძალიან ცუდად მომხვდა თვალში, ამიტომ გადავწყვიტე სხდომაზე დასწრება და სხდომის საჯაროობაც“ - აცხადებს მეჭიაური.